Иран Трамптын сүйлөшүүлөр тууралуу билдирүүсүн четке какты

Иран АКШ менен Жакынкы Чыгыштагы кырдаал боюнча сүйлөшүүлөрдү жүргүзбөй жатканын билдирди. Бул тууралуу өлкөнүн тышкы иштер министрлигинин өкүлү Исмаил Багаи маалымдаганын чет элдик маалымат каражаттары кабарлашты.

Анын айтымында, бүгүн, 3-августта сүйлөшүүлөр кайра жанданбайт. Багаи бул күнү Ирандын тышкы иштер министри Аббас Аракчи зыяратка кеткенин, ал эми сүйлөшүү тобунун башка мүчөлөрү өлкөдө экенин белгиледи.

Ошондой эле ал Иран учурда Жакынкы Чыгыштагы кырдаал боюнча Оман менен гана диалог жүргүзүп жатканын айтты. Тараптар Ормуз кысыгы аркылуу кемелердин коопсуз жүрүшүн камсыз кылуу маселесин талкуулап жатышат.

Буга чейин Дональд Трамп Иран менен АКШ Ормуз кысыгы аркылуу эркин кеме каттамы боюнча келишимге жетишкенин, андан кийин өзөктүк маселелерди жөнгө салууга өтөрүн билдирген.