Оштогу Баялинов көчөсүндө асфальт төшөө иштери уланууда

Ош шаарындагы Баялинов көчөсүндө жолду капиталдык оңдоо иштеринин алкагында жаңы асфальт төшөлүүдө. Буга чейин көчөдөгү ирригациялык тармактар жаңыланып, жолдун негизи даярдалган.

Шаардык мэриядан билдиришкендей, учурда атайын техникалардын жардамы менен жаңы асфальт катмары төшөлүп, жолду жаңылоо иштери уланууда.

Жаңыланган жол шаар тургундары үчүн ыңгайлуу каттамды камсыздап, унаа кыймылынын коопсуздугун жогорулатууга өбөлгө түзөт.