Байге 200 миң сомго чейин... Бишкекте туризмди таанытуу боюнча видеосынак жарыяланды

Бишкекти дүйнөгө тааныткан мыкты видеолор жана фотокаталогдор үчүн сынак жарыяланды.

Мэрия билдиргендей, арыздар 27-августтан 27-октябрга чейин кабыл алынат.

• Мыкты туристтик видеоролик - 200 миң сом;
• Мыкты туристтик фотокаталог - 100 миң сом;
• Беш тематикалык номинациянын ар бир жеңүүчүсүнө 20 миң сом жана сертификат;
• "Көрүүчүлөр сыйлыгынын" жеңүүчүсүнө атайын сертификат жана эстелик белек берилет.

"Сынакка жеке же 5 адамга чейинки топ менен катышууга болот. Видеолор кыргыз, орус же англис тилдеринде, ал эми фотокаталогдор үч тилде даярдалышы керек. Сынакка катышууну каалагандар даяр иштерин gorsport@meria.kg электрондук дарегине же @mi1ianna Telegram аккаунтуна жөнөтө алышат",- деп белгиленди маалыматта.