Ошто баңгизат саткан топтун эки мүчөсү кармалды

УКМК баңгизаттарды жана тыюу салынган психотроптук заттарды мыйзамсыз ташып келип, Ошто сатуу менен алектенген транс-чек аралык кылмыштуу топтун ишмердүүлүгүнө бөгөт койду. Бул тууралуу бүгүн, 8-сентябрда атайын кызматтын мааалымат борбору билдирди.

Маалым болгондой, атайын операция учурунда 4-сентябрда психотроптук заттардын ири партиясын сатып жаткан жеринен С.у.Н. жана И.М. аттуу эки жаран кармалды.

Бул факт боюнча Кылмыш-жаза кодексинин 282-беренеси менен кылмыш иши козголду. Шетүүлөр УКМКнын тергөө абагына киргизилди.

Учурда УКМК кылмыштуу топтун башка мүчөлөрүн аныктоо боюнча иш алып барууда.