Өлкөдө улгайган жарандарды колдоо боюнча бир айлык иш-чара башталды

Кыргызстанда бүгүн, 15-сентябрда "Улуу муундагы адамдарга көңүл буруу жана камкордук көрүү" аталышында бир айлык иш-чара башталды.

Эмгек, социалдык камсыздоо жана миграция министрлиги аталган саамалык 15-октябрга чейин өткөрүлөрүн маалымдады.

Бир айлыктын алкагында өлкөнүн бардык аймактарында улгайган жарандарды колдоого багытталган иш-чаралар өткөрүлөт.

Министрлик бардык жарандарды, коомдук бирикмелерди жана бизнес түзүмдөрүн акцияга кошулууга чакырды.