Трамп: "Иран АКШ менен келишим түзүүгө аракет кылууда"

Иран менен АКШнын ортосунда уланып жаткан жаңжалдын фонунда Тегеран Вашингтон менен келишим түзүүгө кызыкдар. Бул тууралуу АКШнын президенти Дональд Трамп NewsNation телеканалына берген маегинде билдирди.

"Азыр алар келишим түзүүнү каалап жатышат", - деген Трамп.

Анын айтымында, эгер сунушталган келишим туура эмес деп эсептелсе, аны карап да көрбөйт. Трамп Иран "бардык жагынан утулуп жаткандыктан" келишим түзүүгө аракет кылып жатканын белгиледи.

Журналист Трамптан буга чейин Иранды "жок кылуу" мүмкүнчүлүгү жана Тегеранга каршы мындан аркы аскердик аракеттер тууралуу айткан сөздөрүнө комментарий берүүнү сурады.

Буга АКШ президенти: "Эмне болорун көрөбүз", - деп жооп берди.