"Сумеркинин" жылдызы Тэйлор Лотнер биринчи жолу ата болду

"Сумерки" тасмасындагы ролу менен таанымал актёр Тэйлор Лотнер биринчи жолу ата болду. Актёр жубайы Тэйлор менен жаңы төрөлгөн кызынын сүрөтүн социалдык тармакка жарыялап, анын ысымын да ачыктады.

Жубайлар кыздуу болгонун 24-сентябрда билдиришти. Ымыркайга Леннон Тейлор Лотнер деген ысым берилген.

Тэйлор Лотнер менен жубайынын үй-бүлөсүндө ысымдарга байланыштуу кызыктуу жагдай бар. Актёрдун жубайынын да аты Тэйлор. Ал никеге тургандан кийин күйөөсүнүн фамилиясын алган.

Жубайлар жай мезгилинде уюштурулган гендер-пати учурунда кыздуу болушарын билдиришкен.

Жаңы төрөлгөн кыздын сүрөтү жарыялангандан кийин актёрдун күйөрмандары жылдыздуу үй-бүлөнү куттукташууда.