Непалда үрөй учурган жер көчкүнүн видеосу

Непалда нөшөрлүү жаандан улам суу ташкыны жана жер көчкү жүрүп, кеминде 62 адам каза болду. Бул тууралуу 28-сентябрда чет өлкөлүк басылмалар билдиришти.

Кырсыктан 60тан ашык адам жаракат алып, аларга медициналык жардам көрсөтүлүүдө. 75 миңге жакын адам коопсуз жайларга эвакуацияланган. Ошондой эле миңден ашык турак жай жабыркаган. Кырсыктан жолдор, көпүрөлөр, гидроэлектростанциялар жана суу түтүктөрү да жабыркаган. Бийлик жарандарды этият болууга жана зарылчылык болбосо жолго чыкпоого чакырды.

Белгилей кетсек, акыркы 4 күндө өлкөнүн айрым аймактарында 544 миллиметрден ашык жаан жааган.