Иран АКШ менен сүйлөшүүгө да, согуш аракеттерин кайра баштоого да даяр экендигин жарыялады

Иран АКШ менен дипломатиялык сүйлөшүүлөрдү жүргүзүүгө даяр экенин, ошол эле учурда Вашингтон чабуулдарын кайра баштаса, аскердик аракеттерге да даяр турарын билдирди.

Бул тууралуу Ирандын тышкы иштер министри Аббас Арагчи NBC News телеканалына берген маегинде айтты.

Анын билдиришинче, Тегеран жаңы аскердик кагылышууга даяр. Ошол эле учурда Иран маселени дипломатиялык жол менен чечүүгө артыкчылык берет. Министр акыркы чечим АКШ президенти Дональд Трамптан көз каранды экенин белгиледи.

Буга чейин Иран ортомчулар аркылуу Ормуз кысыгын ачуу жана белгилүү шарттар аткарылган учурда сүйлөшүүлөрдү кайра жандандыруу каралган сунуштарын берген.