Гелендвагенде самсы саткан жаранга чара көрүлдү (видео)

Бишкек шаарындагы "Бишкек Аренанын" аймагында соода жүргүзгөн Mercedes Benz G-Class үлгүсүндөгү унаанын айдоочусуна чара көрүлдү. Бул тууралуу бүгүн, 21-октябрда мэриянын Муниципалдык инспекциясынан билдиришти.

Маалыматка ылайык, аталган факт боюнча айдоочуга Укук бузуулар кодексинин 286-беренеси (Соода эрежелерин бузуу) боюнча протокол түзүлүп, 3000 сом айып пул салынган.

"Ошондой эле соода жүргүзүү үчүн тиешелүү уруксат берүүчү документтерди алуу зарылдыгы түшүндүрүлдү", - деп айтылат маалыматта.

Белгилей кетсек, буга чейин "Бишкек Аренанын" аймагында аталган унаанын багажында самсы саткан жарандын видеосу тараган.