Кыргызстанда онкологиядан жабыркагандарды айыктырууга 2,5 миллиард сом бөлүндү

2026-жылы Кыргызстанда онкологиялык оорулардан жабыркагандарды айыктырууга мамлекеттик бюджеттен 2,5 миллиард сом бөлүндү. Бул маалыматты саламаттык сактоо министри Дамирбек Осмонов эл аралык "Балдар онкология жана гематологиясы" конгрессинде билдирди.

Министрдин айтымында, буга чейин бюджеттен 1,5 миллиард сом жумшалса, быйыл 2,5 миллиардга чейин көбөйгөн. Ал белгилегендей, кошумча каражаттар онкологиялык оорулар менен ооруган бейтаптар үчүн дары-дармектердин тартыштыгын олуттуу кыскартат. Ошол эле учурда министр бөлүнгөн акча тамактын бардык керектөөлөрүн толук жабууга азырынча жетишсиз экенин белгиледи.

"Албетте, бул сумма бардык чыгымдарды жаппайт. Бирок каржылоо жылдан жылга көбөйсө, биз бейтаптарды дарылоого жакшы шарттарды түзүп бере алабыз",- деди Осмонов.

Эскерте кетсек, кечээ биринчи айым Айгүл Жапарова балдар онкологиясын каржылоо 200 эсеге көбөйгөнүн билдирди.