Бүгүн Садыр Жапаров Талас облусуна иш сапар менен барат

Бүгүн, 2-ноябрда президент Садыр Жапаров Талас облусуна иш сапар менен барат. Бул тууралуу мамлекет башчысынын басма сөз катчысы Аскат Алагөзов билдирди.

Анын айтымында, мамлекет башчысы аймактын эли менен жолугушуп, жергиликтүү бийлик органдарынын жетекчилеринин облустун учурдагы социалдык-экономикалык абалы жана мындан аркы өнүгүү келечеги тууралуу маалыматтарын угат.

Ошондой эле өлкө башчысы Талас шаарындагы “Талас Арена” борбордук стадионунун ачылыш аземине катышат.