Бишкекте кафелердин биринде мушташкандар кармалышты (видео)

Кечээ, 1-ноябрда Бишкек шаарындагы "Скай Баку" кафесинде мушташкан жарандар аныкталды. Бул тууралуу Свердлов райондук ички иштер башкармалыгынан билдиришти.

Маалыматка ылайык, аталган жайдын кардарларынын ортосунда чыр чыгып, ал мушташка айланган. Анын кесепетинен 21 жана 23 жаштагы эки жаран сабалган.

Жүргүзүлгөн иш-чаралардын натыйжасында окуянын бардык катышуучуларына Укук бузуулар кодексинин 126-беренеси (Майда бейбаштык) боюнча протоколдор түзүлүп, шектүүлөр убактылуу кармоочу жайга киргизилишти.