Чүйдө беш салмак-көзөмөл бекетинин кызматкерлери кармалышты (видео)

Чүй облусундагы беш салмак-габариттик көзөмөл бекетинде бир катар кызматкерлер кармалышты. Бул тууралуу бүгүн, 3-ноябрда Улуттук коопсуздук мамлекеттик комитети билдирди.

Маалыматка ылайык, алар белгиленген өлчөмдөн оор жүк жүктөп алган жүк ташуучу унааларды тоскоолдуксуз өткөрүү үчүн айдоочулардан системдүү түрдө акча алып келишкен.

Шектүүлөр УКМКнын тергөө абагынын убактылуу кармоочу жайына киргизилишкен. Учурда мыйзамсыз иш-аракеттерге тиешеси бар бардык адамдарды жана иштин жагдайларын аныктоо үчүн тергөө иштери жүргүзүлүүдө.