Таластык дыйкандар картошка экспорттоодо салыктан кыйналышууда (видео)

Кечээ, 3-ноябрда президент Садыр Жапаров Талас облусуна болгон иш сапарынын алкагында Манас жана Айтматов райондорунун тургундары менен жолугушту.

Анда жергиликтүү дыйкандар картошка менен төө буурчакты Өзбекстанга экспорттоодо кошумча нарк салыгы кошулуп, баалар төмөн түшүп кеткендиги тууралуу айтты. Ошондой эле кошумча салык өзбек тараптан дагы кошулганын айтып, бул жагдай сатууда чоң кыйынчылыктарды жаратып жатканын кошумчалады.

Өлкө башчы маселени өкмөт башчылары менен талкуулап, кошумча нарк салыгын алып салууну тапшырды.