Президент 5 жылдан кийин окуучулар китеп көтөрбөй калышарын айтты (видео)

Өлкө башчы Садыр Жапаров беш жылдан кийин ар бир окуучуга планшет берилерин, андыктан китеп көтөрүп жүрүү көйгөйү жоюларын айтты.

"Буга көп акча кетет экен. Бирок бардык китепти киргизип коюп, бир эле кичинекей нерсени көтөрүп жүрө бересиң", - деди мамлекет башчы Аламүдүн эли менен болгон жолугушуусунда.

Агартуу министри Догдуркүл Кендирбаева буга уруксат берилгенин, каалаган ата-эне баласына планшет алып берип, үйүндө окутса болорун билдирди. Президент бардык эле ата-эненин ага мүмкүнчүлүгү жетпестигин, андыктан мамлекет келечекте муну колго аларын кабарлады.

Садыр Жапаров үй тапшырмаларды мектепте аткарып, анан китептерди мектепке таштап кетүү жагын караштыруу керектигин айтты. Агартуу министри жүктөмү аз мектептерге мындай мүмкүнчүлүк берилгенин белгиледи.