Президент "Учкундун" мурдагы директору китепке байланыштуу кызматтан алынганын ачыктады

Президент Садыр Жапаров окуу китептеринин сатылып кетишине байланыштуу Бакытбек Султанов "Учкун" басмаканасынын директорлугунан бошотулганын айтты.

"Эки жылдын ичинде бир дагы ата-эне китеп сатып албайт. Мектептерде бүт бекер кылабыз. Өткөндө базарда сатыкка чыгып кетпедиби, ал ошол жетекчисинин күнөөсү экен. Ошон үчүн кызматтан кетирдик", - деди өлкө башчы кечээ, 6-ноябрда Аламүдүн эли менен болгон жолугушуусунда.

Буга чейин расмий маалыматта Султанов кызматтан өз каалоосу менен кеткени айтылган. Анын ордуна Ильгиз Тапаев дайындалган.