Балыкчыда көлдүн жээгиндеги чабактын көптүгү эс алуучуну суктандырды (видео)

Балыкчыдагы көлдүн жээгинде жайнаган чабактардын көптүгү эс алуучуну суктандырды. Ал мындай жагдайды видеого тартып, интернет желесине жарыялады.

Анын айтымында, Ысык-Көл тазаланып, майда балыктардын көбөйүп жаткандыгын көптөн бери көргөн эмес.

Эскерте кетсек, буга чейин Жаратылыш министрлиги учурда лосось жана сига сымал балыктардын урук чачкан убагы экенин белгилеп, бул мезгилде мыйзамсыз балык уулоо табигый уялоо процессине олуттуу зыян келтирип, популяцияны кыскарта тургандыгын кошумчалады.