Чемпиондук курга багыт... Ырысбек Тиленов RIZIN 55 турниринде жеңишке жетти (видео) 

Кыргызстандык мушкер Ырысбек Тиленов Японияда өткөн RIZIN 55 турниринде маанилүү жеңишке жетишти.

Бүгүн, 8-ноябрда өткөн мелдеште "Снос" каймана аты менен белгилүү Тиленов мурдагы чемпион Наоки Иноуэ менен беттешип, калыстардын чечими менен жеңиш Кыргыз мушкерине берилди.

Бул беттеш чемпиондук наамга талапкерди аныктоочу таймаш болду. Жыйынтыгында RIZIN уюму жеңил салмактагы чемпиондук кур үчүн кийинки беттешти расмий жарыялады.

Эми кыргызстандык Ырысбек Тиленов америкалык мушкер Дэнни Сабателло менен күч сынашат.

Эскерте кетсек, Тиленов июлда уюмдагы дебютун ийгиликт баштаган. Анда Шинобу Отаны нокаут менен жеңген. Ал беттештен кийин кыргызстандык мушкер учурдагы чемпион Сабателлону кийинки беттешке чакырып, ал чемпиондук курду тартып алуу үчүн келгенин билдирди.