Ысык-Көлдө көл жээгине от жаккан жаран жоопкерчиликке тартылды (видео)

Кечээ, 8-ноябрда Ысык-Көл облусунун Кош-Көл айылында көл жээгинде белгиленбеген жерде от жаккан жаран жоопкерчиликке тартылды. Бул тууралуу Экологиялык жана техникалык көзөмөл кызматы билдирди.

Маалыматка караганда, социалдык тармактарда белгисиз жарандардын көл жээгине чатыр тигип, анын ичинде от жагып жаткан видеосу тараган. Текшерүү учурунда окуя №85 кесиптик лицейдин аймагында болгону аныкталып, жыйынтыгында мыйзам бузган жаранга Укук бузуулар жөнүндө кодекске ылайык, административдик чара көрүлдү.