Эдил Байсалов Аскар Акаевге куттуктоо жолдоп, анын макамы боюнча билдирүү жасады

Бүгүн, 10-ноябрь - биринчи президент Аскар Акаевдин туулган күнү. Ушуга байланыштуу Кыргызстандын АКШдагы элчиси Эдил Байсалов мурдагы мамлекет башчысынын өлкө тарыхындагы орду тууралуу пикирин билдирди.

"Аскар Акаевдин бийлигин сындаганга негиздер болгон жана ал мурдагы көз караштарынан баш тартпайт. Бирок президент кызматтан кеткенден 21 жыл өткөн соң аны менен саясий күрөштү улантуунун кажети жок. Жаштарды өлкөнүн тарыхына урмат менен мамиле кылууга чакырам, биринчи президенттин мамлекеттүүлүктү түптөөдөгү эмгегин жокко чыгарууга болбойт. Кыргызстан 1998-жылы Борбор Азия ичинен биринчи болуп Дүйнөлүк соода уюмуна мүчө болгон, ошол мезгилдеги жетишкендиктерди да баалоо зарыл. Туулган күнүңүз менен Аскар Акаев!",- деп куттуктады.

Мындан тышкары, 2010-жылы Аскар Акаевди экс-президент макамынан ажыратуу боюнча кабыл алынган чечимди юридикалык жактан негизсиз деп эсептей турганын белгиледи.