Соцтармактын колдонуучусу Бактыбек Молдалиев 3 жылга эркинен ажыратылды

Бишкектин Октябрь райондук соту бүгүн, 11-ноябрда социалдык тармактын колдонуучусу Бактыбек Молдалиевди 3 жылга эркинен ажыратты. Бул тууралуу шаардык соттон билдирди.

Маалым болгондой, ал Кылмыш-жаза кодексинин 332-беренесинин 1-бөлүгү (Экстремисттик материалдарды даярдоо, таратуу) беренеси боюнча күнөөлүү деп табылды. М.Б.нын жаза мөөнөтү 2026-жылдын 8-майынан тартып эсептелет. Сотко чейинки камакта отурган убактысы жаза мөөнөтүнө эки эселенген тартипте кошулду. Камакка алуу түрүндөгү бөгөт коюу чарасы өзгөртүүсүз калтырылды.

Бул арада анын жубайы Элвира Жусупова "Азаттыкка" маек берип, ал "Клооп Медиа" басылмасынын материалын бөлүшкөнү үчүн үч жылга эркинен ажыратылганын, бирок жолдошу коюлган айыпты моюнуна албай, эч кандай материалды бөлүшпөгөнүн билдирди.

Эскерте кетсек, 2025-жылы 27-октябрда Бишкектин Октябрь райондук соту “Клооп”, “Темиров Лайв” жана “Айт-Айт Десе” медиа-долбоорлорунун маалыматтык материалдарын экстремисттик деп тапкан.