Кожомкулдагы өрттөн жабыркаган мектепке 3 миллион сом берилди (видео)

Бүгүн, 13-ноябрда Кожомкул айылындагы өрттөн жабыркаган мектепке 3 миллион сомго жакын камсыздандыруу төлөмү берилди. Бул тууралуу Мамлекеттик камсыздандыруу уюмунун төрагасы Элдияр Калдарбеков билдирди.

"Мамлекеттик камсыздандыруу компаниясы катары бизде бардык мамлекеттик объекттер, анын ичинде мектептер да камсыздандырылган. Бул мектеп өткөн жылы камсыздандырылып, 26 миң сомго жакын төлөм төлөгөн. Бүгүн болсо өрттөн кийин мектепти кайра калыбына келтирип, оңдоо иштерин жүргүзүү үчүн 3 миллион сомго жакын каражат төлөп жатабыз",- деди ал.

Эске салсак, өрт 29-октябрда мектептин экинчи кабатындагы бөлмөлөрдүн биринде электр жылыткыч батареясынын жарылуусунан чыккан. Окуучулар эвакуацияланып, жабыркагандар болгон эмес.