Студенттерге үй-бүлөлүк зомбулуктун алдын алуу боюнча түшүндүрүү иштери жүргүзүлдү

Ички иштер министрлигинин Коомдук коопсуздук кызматы тарабынан Бишкектеги үч жогорку окуу жайда үй-бүлөлүк зомбулуктун алдын алуу боюнча студенттер менен жолугушуулар өткөрүлдү. Бул тууралуу ИИМдин басма сөз кызматынан билдиришти.

Профилактикалык иш-чаралар И. Арабаев атындагы Кыргыз мамлекеттик педагогикалык университетинде, Бишкек мамлекеттик университетинде жана И. Раззаков атындагы Кыргыз мамлекеттик техникалык университетинде уюштурулду.

Жолугушуулардын жүрүшүндө студенттерге үй-бүлөлүк зомбулуктун түрлөрү, анын кесепеттери, мыйзам алдындагы жоопкерчилик жана зомбулуктун алдын алуу жолдору түшүндүрүлдү.

Иш-чаралар жаштардын укуктук сабаттуулугун жогорулатуу, үй-бүлөлүк баалуулуктарды бекемдөө жана зомбулукка карата терс мамилени калыптандыруу максатында өткөрүлгөн.

ИИМ мындай профилактикалык иштерди улантарын билдирди.