Ош мэринин тургундар менен үч күндүк жолугушуулары Жапалакта жыйынтыкталды

Бүгүн, 13-ноябрда, Ош шаарынын мэри Жанарбек Акаевдин шаар тургундары менен үч күндүк жолугушуулары Жапалак айылдык аймактык башкармалыгында жыйынтыкталды. Бул тууралуу Ош мэриясынан билдиришти.

Жолугушууда тургундар газ, таза суу, канализация, электр энергиясы, балдар аянтчасын куруу жана көчө инфраструктурасына байланыштуу көйгөйлөрдү көтөрүштү.

Мэр айтылган маселелерди тиешелүү мекеме-ишканалардын жетекчилери менен биргеликте карап чыгып, аларды чечүү боюнча жооптуу кызматтарга тапшырмаларды берди.

Ошондой эле өрт кырсыгынан жабыркаган турак үйдүн ээсине жардам көрсөтүлөрүн белгиледи.

Мэриянын маалыматына ылайык, акыркы үч күндө шаардын ар кайсы аймактарында өткөрүлгөн жолугушууларда тургундардын көйгөйлөрү талкууланып, аларды чечүү жолдору каралды.