"Эми операцияга даярданабыз". Иниси ырайым менен бошотулган жаран ыраазычылык билдирди (видео)
Агасына бөйрөгүн донор катары берүүгө даяр болгон жарандын иниси президенттин ырайымы менен абактан бошотулду. Бул тууралуу кечээ, 19-ноябрда анын агасы социалдык тармактагы баракчасына жарыялаган видео кайрылуусунда билдирип, Садыр Жапаровго ыраазычылык айтты.
Буга чейин президент Аксы районунда жергиликтүү тургундар менен жолугушканда бир жаран инисине ырайым берүүнү өтүнгөн. Анын айтымында, иниси Орусияда экстремизм боюнча айыпталып, Кыргызстанга экстрадицияланган. Ал 7 жыл жаза өтөп, дагы 3 жылдык мөөнөтү калган.
Жолугушууда жаран иниси ага бөйрөгүн донор катары берүүгө даяр экенин да билдирген.
Инисинин бошотулганына кубанган ал видео кайрылуусунда учурда иниси Бишкекте экенин жана жакынкы 2-3 күндүн ичинде үйүнө келерин айткан.
Ал инисинин ден соолугун текшерткенден кийин бөйрөк алмаштыруу операциясына даярдык көрүшөрүн кошумчалады.
"Эми операцияга даярданабыз". Иниси ырайым менен бошотулган жаран президентке ыраазычылык билдирди (видео)
0

Супер-Инфо
super.kg видео
















