super.kg logo

“Альянс Алтын” алгачкы студенттик кейс-чемпиондугун өткөрөт

 

Бишкек шаарында 9-10-декабрь күндөрү алгачкы жолу “Альянс Алтын” студенттик кейс-чемпиондугу өтөт. Эки күндүн ичинде катышуучулар тоо-кен тармагында иш алып барган компаниянын ишмердүүлүгүндөгү реалдуу маселелердин үстүндө иштеп, өз чечимдерин эксперттерге сунушташат. Чемпиондук Кыргыз-Орус Славян университетинин (КРСУ) базасында уюштурулат.

Катышуучуларга үч багыт сунушталат: маалыматтарды талдоо (дата-аналитика), продукт иштеп чыгуу жана дизайн. Ага IT, техникалык, экономикалык жана чыгармачыл адистиктерде билим алган бардык курстун студенттери катыша алышат.

Чемпиондуктун негизги өзгөчөлүгү - студенттер окуу мисалдарынын ордуна бизнестин реалдуу маселелери менен иштешет. Командаларга белгиленген убакыт ичинде тапшырманы талдап, чечим табуу жана өз сунуштарын “Альянс Алтын” компаниясынын эксперттеринин алдында негиздеп берүү милдети жүктөлөт.

Бул чемпиондук студенттер үчүн практикалык тажрыйба топтоого, команда менен иштөөгө жана компаниянын ишмердүүлүгү менен жакындан таанышууга мүмкүнчүлүк түзөт. Мындан тышкары, катышуучулар “Альянс Алтын” компаниясында стажировкадан өтүү үчүн тандоодо артыкчылыкка ээ болушат. Ал эми мыкты деп табылган командалар үч байгелүү орундун бирин ээлешет.

Кейс-чемпиондук 9-10-декабрь күндөрү Бишкек шаарындагы Киев көчөсү, 44 дарегинде жайгашкан КРСУда өтөт.

Каттоо башталды. Арыз берүү жана кененирээк маалымат алуу үчүн aacase.tec сайтына кирүүгө болот.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.

“Көз караш”, “Эмгек жарчысы”, "Бизнес-Инфо" рубрикаларында чыккан материалдардын маани-маңызы үчүн интернет-порталдын администрациясы жооп бербейт. Жарнамалык материалдардын маңызы үчүн жарнама берүүчү өзү жоопкер.

 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде колдонуучу (Катталган: , коноктор: ) бул кабарды окуду:

Кабарлардын саны:
195263;
 
Маалымат-маанайшат порталы
2006-2026 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда: