Өмүрбек Бабанов бардык мектептерди бекер интернет менен камсыздоону убадалады

Кыргызстандагы бардык орто мектептерди бекер интернет менен камсыздоо зарыл. Муну 20-октябрда Бишкекте өтүп жаткан аталган партиялардын биргелешкен курултайында “Республика” партиясынын лидери Өмүрбек Бабанов билдирди. Анын айтымында, өлкөнү мыкты кадрлар менен камсыздоо үчүн билим берүүгө өзгөчө көңүл бурулушу шарт. "Мектепте интернет жок" деген сөз болбош керек. Азыр 21-кылым, технологиянын заманы. Билимдүү адамдарсыз өлкөнү өнүктүрүү мүмкүн эмес",- деди Бабанов.