Депутаттар "Кумтөр" боюнча келишимди жокко чыгарууну сунушташты

"Кумтөр" буга чейин бийликтин кызыкчылыгы үчүн иштеп келгендиги ачыкталып жатат" деп билдирди депутат Курманбек Дыйканбаев ЖКнын 21-февралдагы жыйынында. Анын айтымында, адистер "Кумтөрдөн" экологияга 5 миллиард долларлык зыян келтирилгенин айтышкан. «Бул зыяндын ордун толтура алабызбы? Качанга чейин өлкөнүн мыйзамдарын тебелеткенге жол беребиз? Өзүбүздү сыйласак, экологиялык зыянды эске алып, келишимди жокко чыгарууга барышыбыз керек»,- деди Дыйканбаев.