Сокулук районуна караштуу Жаңы-Жер айылындагы №19-абакта өмүр бою эркинен ажыратылган 50 кылмышкер кармалууда

Бүгүнкү күндө Сокулук районуна караштуу Жаңы-Жер айылындагы №19-абакта 50 өмүр бою эркинен ажыратылган кылмышкер кармалууда. Бул тууралуу бүгүн, 28-апрелде №19-түзөтүү колониясынын жетекчисинин милдетин аткаруучу Нурдин Турусбеков билдирди.

Маалым болгондой, 29-февралдан бери аталган абакка оор кылмыштарды жасаган 50 өмүр бою эркинен ажыратылган кылмышкер №1-абактан көчүрүлүп келген. Бүгүнкү күндө кыргыз жеринде 300дөн ашуун өмүр бою эркинен ажыратылган кылмышкерлер абакта экени маалым. №19-абак 300 кылмышкерге ылайыкташтырылып курулган. Учурда абактын экинчи имаратты мамлекеттин каржылоосу менен курулуп жатканы белгилүү болду. Ошондой эле ар бир кылмышкердин тамактануусуна 100-150 сом акча бөлүнөрү айтылды.