ЖЫЛНААМА, 25-ИЮЛЬ: Бразилиялык футболчу Халк 30 жашка толду
Бразилиялык футболчу, Халк деген лакап аты менен таанылган Живанилду Виейра де Соуза 30 жашка толду. Ал 1986-жылы 25-июлда Бразилиянын Кампина-Гранди шаарында жарыкка келген.
Халк 12 жашында "Зе до Эгито" балдар футбол командасына кошулган. 16 жашында бразилиялык "Витория" клубу менен келишим түзүп, карьерасын баштаган. 2005-жылдын февраль айында футболчуну япониялык "Кавасаки Фронтале" клубу сатып алган. Халктын бул клубдагы дебюту "Нагоя Грампус" клубуна каршы ойногондо болгон. Ал эми атаандаштын дарбазасына алгачкы тобун 2-июлда "Жубило Ивата" клубу менен ойногондо киргизген. 2006-жылы "Консадоле Саппоро" клубуна "ижарага" берилген.
2008-жылы 26-июлда португалиялык "Порту" клубу менен келишим түзгөн. Бул клубда ал Европада атактуу болууга, профессионал катары өсүүгө алып келген клуб болгон. Бул клубда ал 2010-11-жылкы сезондо Португалия чемпиондугунда 23 топ киргизип, мыкты бомбардир аталган. Жалпысынан ал "Портунун" курамында 1 ирет Европа Лигасын утуп, 3 ирет Португалиянын чемпиону болгон.
2012-жылы Халк орусиялык "Зенит" клубуна өткөн. Бул клуб менен ал эл аралык мелдештерде жеңишке жетише алган жок. 2016-жылы футболчу Кытайдан келген сунуштан баш тарта албай, "Шанхай СИПГ" клубуна кошулду.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
9:55
2026-11-18
10:28
2026-11-13
10:49
2026-11-12
Рейтинг:
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.

Супер-Инфо
super.kg видео















