Украинада кыргыз киносунун күндөрү өттү

4-5-6-апрелде Украинанын борбору Киев шаарында кыргыз киносунун күндөрү өттү. Бул тууралуу ТИМдин басма сөз кызматы билдирет. Маалыматка ылайык, бул маданий иш-чарага кыргыз режиссёрлору Т.Океевдин “Балалыктын асманы”, А.Кончаловскийдин “Караш-караш окуясы”, Б.Шамшиевдин “Ак кеме”, Э.Абдыжапаровдун “Айыл өкмөтү”, А.Жураеванын “Меккеге жол”, М.Мамбетакуновдун “Көч” тасмалары көрсөтүлдү. Кино күндөрүнө Украина кинематографисттери, шаар тургундары жана Украинадагы кыргыз диаспораларынын өкүлдөрү катышты.