Бишкектин Октябрь районундагы Чернобыль кырсыгынын катышуучуларына акчалай жардам берилет

Мындан 27 жыл мурунку Чернобыль кырсыгынын жабырлануучулары үчүн Бишкекте атайын концерт уюштурулат. Мэриянын басма сөз кызматы билдиргендей, маданий иш-чара Октябрь районундагы №60-мектептен орун алат. Анда аталган райондун маданий ишкерлери тарабынан даярдалган ыр-бийлер аткарылып, катышуучулардын маанайын көтөрмөкчү. Маалыматка таянсак, концерттин алкагында аталган окуяга катышкан 67 адамга 2013-жылдын башынан бери 232 миң сомдук материалдык жардам көрсөтүлүп келүүдө.