SUPER.KG порталы сиздерди Жаңы 2018-жылыңыздар менен куттуктайт!

Саналуу сааттардан кийин бир жыл бою биз менен чогуу болгон 2017-жыл коштошуп, 2018-жыл эшик кагып кирип келет. SUPER.KG порталы жалпыңыздарды кирип келе жаткан 2018-Жаңы ит жылыңыздар менен кызуу куттуктайт!

Өтүп бара жаткан жыл жалпыбыз үчүн негизинен жаман жылдардан болгон жок. Эски жылда аткарылбай калган максаттар, каалоо, изги тилектер Жаңы жылда ишке ашып, Кыргыз мамлекетинде тынчтык, бейпилдик, элибизде ынтымак-ырашкерлик, өсүп-өнүгүү болсун. Ар бириңиздердин үй-бүлөңүздөрдү береке кут, жагымдуу жаңылыктар, ырыс-кешик жылоолосун. Түндүгүбүз бийик, түбөлүгүбүз бекем болуп, келечегибиздин өмүр гүлү соолубасын.

Кирип келе жаткан жыл элибизге ынтымак, кут, береке, өсүү, кары-картаңдарга кадырлуу карылык, ден соолук, жаштарыбызга талыкпаган эмгек, өнүгүү, күжүрмөн күч жана ынтымак алып келсин.

SUPER.KG порталы жалпыңыздарды төмөндөгү оригиналдуу видео аркылуу куттуктайт. Бөбөктөрүбүздүн тилектери орундалсын!

Дагы бир жолу Жаңы жылыңыздар менен!