"Өрт башталган учурда эч кандай сигналдык үндү уккан жокпуз" дейт "Каухар" соода борборунда иштеген медайым

"Өрт башталган учурда эч кандай сигналдык үндү уккан жокпуз" деп билдирди "Каухар" соода борборунда жайгашкан медициналык борбордо эмгектенген медайым.

"Биз 5-кабатта иштейбиз. Өрт саат 11:00дөр чамасында башталды окшойт. Биз адаттагыдай эле иштеп жатканбыз. Качан гана эшигибизди такылдатып имарат өрттөнүп жатат дегенде гана коридорго чыгып түтүн болуп жатканын көрдүк. Төмөнкү кабаттагылар да өрт тууралуу эч нерсе билбей эле иштеп жатышыптыр, аларга биз айттык. Өрт башталганда сигналдык үн деле чыккан жок", - дейт медайым.

Ошондой эле окуянын күбөсү өрт өчүрүү кызматкерлери 40 мүнөттөн кийин келгенин жана алгач бир эле өрт өчүрүүчү унаа иштегенин кошумчалады.

Айта кетсек, 8-майда Бишкек шаарындагы "Орто-Сай" базарындагы "Каухар" соода борборунда өрт чыккан.