Өзбекстан Барак анклавын алып, Кара-Суу району тараптан жер бергени жатат

Өзбекстандагы Барак эксклавы Кыргыз өлкөсүндөгү ошол сыяктуу аймакка алмаштырылышы айтылууда. Бул тууралуу азербайжандык "Интерфакс" маалымат агенттиги жазып чыкты.

Маалыматка караганда, аталган маалыматты Кыргыз-Өзбек чек арасын делимитациялоо жана демаркациялоо боюнча өкмөттөр аралык комиссиянын мүчөсү, өкмөттүн Ош облусундагы өкүлүнүн биринчи орун басары Байыш Юсупов билдирген.

"Барак эксклавына барабар болгон Кыргыз өлкөсүндөгү жер тилкеси Ош облусунун Кара-Суу районуна караштуу Ак-Таш айыл аймагы менен чектеш жайгашкан. Жер боюнча бардык протоколдор түзүлгөн. Эки өлкө президенттеринин аталган ратификацияга кол коюусу калган. Барак эксклавынын жашоочулары чек арадан өтүүдөгү тоскоолдуктардан тажаганы үчүн аталган чечимге макулдугун беришкен", - деп жазган "Интерфакс".

Ошондой эле аталган жер алмашуу кадамы эки өлкөнүн премьер-министрлери бекиткен жумушчу топтун ишинин жыйынтыгында жасалууда.

Маалыматтарга караганда, Барак эксклавы Өзбекстан аймагында калган Кыргыз өлкөсүнүн жалгыз аймагы. Анын аянты 230 гектарга барабар болуп, мамлекеттик чек аранын аймагынан 5 чакырым ичкериде жайгашкан. Ал жерде ондогон түтүн үй-бүлө жашай турганы айтылууда.