Супер-Инфо
super.kg видео
Конор Макгрегордун басканын туураган электрик техникалык коопсуздук эрежелери боюнча сынакты ийгиликтүү тапшырды
Конор Макгрегордун басканын туураган электрик Адилет Асанбеков техникалык коопсуздук эрежелери боюнча сынакты ийгиликтүү тапшырды. Бул тууралуу SUPER.KG порталына "Түндүк электр" ачык акционердик коомунан билдиришти.
Ишкананын басма сөз катчысынын айтымында, Адилет Асанбеков кечээ, 22-ноябрда "Түндүк электр" ААКсынын борбордук комиссиясынан техникалык коопсуздук эрежелери боюнча компьютердик тесттен жана оозеки текшерүүдөн ийгиликтүү өткөн.
Эске салсак, интернет желесинде Конор Макгрегордун басканын туураган видео кызуу талкууга алынып, "Түндүк электр" ААКсы Адилет Асанбековду техникалык эрежелерди сактабаганы үчүн жазага тартып, эрежелер боюнча сынактан өтүүнү талап кылган.
Адилет Асанбеков SUPER.KG'ге берген маегинде видео тамаша иретинде тартылып, коомго тарап кетерин билбегенин айтып, "силер мени туурабагыла, коопсуздук баарынан маанилүү", - деген.
кошулду
Конор Макгрегорду туурап мамыга чыккан электрик Адилет Асанбеков: “Мени туурабагыла”
0
Жашай бер дагы эле ушундай оптимист болур, Конордон да өтүп кет Кудай буйруса . Ийгиликтер коштосун !!!
Началствоң ...... , менден салам айт.