Мэрия: "Митинг өткөн "Ала-Тоо" аянтынан 1 тонна таштанды чыгарылды"

Бишкек шаарындагы “Ала-Тоо” аянтын “Тазалык” ишканасынын кызматкерлери тазалап бүтүштү. Бул тууралуу мэриянын басма сөз кызматынан билдиришти.

Маалыматка ылайык, тазалоо иштерине 2 даана атайын техниканын жардамы менен 6 куб, башкача айтканда, 1 тонна таштанды 23 кызматкер тарабынан чыгарылды. "Шаардыктардын айтымында, митингге чыккан жарандар таштанды челектерин өрттөп кетишкен. Дал ушул маалда “Тазалыктын” кызматкерлери митингчилердин арты менен жүрүп, таштандыларды тазалап, шаарга келтирилген чыгымдарды саноодо. ИИМдин жол кыймылынын коопсуздугун камсыздоо башкы башкармалыгы белгилеп кеткендей, Бишкектин борборунда жол кыймылы калыбына келтирилди", - деп жазылат маалыматта.

Бүгүн, 2-мартта саат 19:00гө карата "Ала-Тоо" аянтындагы абактагы саясатчы Садыр Жапаровду колдоп митингге келген катышуучуларына күч түзүмдөрүнүн кызматкерлери суу аткыч машиналарды, көздөн жаш агызуучу каражаттарды колдонуп, аянттан сүрүп чыгаруу үчүн кууп таратты.