Өлкөдө күн ичинде оору алып тынган бейтаптардын эң жогорку көрсөткүчү катталды. Коронавирустан 13, пневмониядан 44 адам каза болду

Бир сутка ичинде коронавирустан дарыланып жаткан бейтаптардын ичинен дагы 13 адам каза болду. Бул тууралуу бүгүнкү күнгө карата онлайн жыйында Айнура Акматова билдирди.

Кыргыз-Түрк достук ооруканасынан – 1 (эркек, 67 жашта);
№6 Шаардык клиникалык ооруканасынан – 1 (эркек, 52 жашта);
Республикалык клиникалык инфекциялык ооруканасынан – 3 (3 эркек, 69-55-70 жашта);
Ош шаардык клиникалык ооруканасынан – 1 (эркек, 52 жашта);
Жалал-Абад облустук ооруканасынан – 1 (эркек, 53 жашта);
Ат-Башы аймактык ооруканасынан – 2 (эркек, 64 жашта, аял 55 жашта);
Жайыл аймактык ооруканасынан – 3 (эркек, 63 жашта жана 2 аял – 59-70 жашта);
Москва аймактык ооруканасынан – 1 (аял, 49 жашта).

Жалпы коронавирустан каза болгондордун саны 112 кишини түздү.

Бир сутка ичинде пневмониядан 44 бейтап каза болду. Алардын ичинен 14 адам республика боюнча жана Бишкекте 30 адам.

Март айынан тартып илдеттен көз жумгандардын жалпы саны – 268 адам.