Токочтор мал-жандыктарына берилмей болду. Кыргыз өлкөсүндө биринчи жолу мөөнөтү өтүп кеткен таттуулар жок кылынды

Бүгүн, 1-февралда Финансы полициясы тарабынан Кыргыз өлкөсүндө биринчи жолу мөөнөтү өтүп кеткен таттуулар жок кылынды. Аталган таттуулар шаардын четинде жайгашкан таштанды полигонуна алынып барып, бульдозердин жардамы аркылуу жок кылынды.

Ал эми таттуулардын ичинен токочтор мал жандыктарына берилмей болду. Таттуу токочтор Чүй облусуна караштуу Сокулук районунун айылдарынын бириндеги дыйкан чарбадагы мал-жандыктарына азык катары берилет.

Бул боюнча "Не сахар" долбоорунун автору Эрулан Кокулов Финансы полициясына ыраазычылыгын айтып, мындан ары мөөнөтү өтүп кеткен товарлар азаярына үмүттөнөрүн билдирди.

"Мөөнөтү өтүп кеткен кампадагы азыктардын жок кылынышы биздин өлкөдө биринчи жолу болуп жатат. Бул албетте, биздин жана балдарыбыздын коопсуздугу үчүн өтө маанилүү", - деп билдирди ал.

Эске салсак, буга чейин Бишкекте мөөнөтү өтүп кеткен таттууларды сактап жүргөн кампа табылган. Аталган кампада жарактуулук мөөнөтү өтүп кеткен, көп өлчөмдөгү кондитердик азыктар, тагыраагы, суусундуктар, печенье жана ар кандай таттуулар ири көлөмдө сакталып турганы аныкталган. Ошол эле кампада кызматкерлер таттуулардын жарактуулук мөөнөтүн жана чыгарылган күнүн өзгөртүп турушканы белгилүү болгон. Ал эми далил катары ар кандай шаймандар табылган болчу.