Дымагы күчтүүлөрдүн кезеги үзүлбөгөн Бишкек мэриясынын креслосу: Руслан Тагаев деген ким?

Бүгүн, 10-январда Бишкек шаардык мэриясынын алдында митинг болуп өттү. Чогулгандар жаңы мэрдин милдетин аткаруучу болуп дайындалган Бактыбек Кудайбергеновго каршылыгын билдиришип, өздөрү туура көргөн Руслан Тагаевдин талапкерлигин көрсөтүшүүдө.

Руслан Тагаев "Мекенчил" партиясынын кандидаты, буга чейин 2014-жылы Өкмөткө караштуу Архитектура, курулуш жана турак жай-коммуналдык чарба мамлекеттик агенттигинде директорунун орун басары болуп эмгектенген.

Руслан Тагаев 42 жашта. Ал Фрунзе шаарында төрөлгөн.

Эске салсак, буга чейин дагы Бишкек шаардык мэрдин кызматы талашка түшүп келген. Ошол кездеги шаардын мэри Азиз Суракматов кызматынан шайлоого катышуу үчүн кеткенден кийин, бул кызмат талашка түшүп, өзүнүн талапкерлигин көрсөткөндөр дагы, алмашуулар дагы болду.

Кийин октябрь окуяларынан кийин “Мекенчил” партиясынан Жогорку Кеңештин депутаттыгына талапкер болгон Төрөхан Жунусбеков да өзүн мэрлик кызматка татыктуумун деп сунуштаган. Анын катарында Аскат Осмонов аттуу жаран да бар, ал өзүн мэрлик кызматка сунуштап митингге чыккан.

Ал ортодо 2020-жылдын 20-октябрынан 22-октябрына чейин Нариман Түлеев да бул кызматка келип, андан соң Балбак Түлөбаев болуп, 9-февраль күнү эртең менен кызматтан өз каалоосу менен кеткенин билдирген.

Кечээ, 9-февралда Бишкек шаардык мэринин милдетин аткаруучу болуп Эрмек Нургазиев дайындалып, 4 сааттан соң алынган. Бүгүн, 10-февралда мэрдин милдетин аткаруучу болуп Бактыбек Кудайбергенов дайындалды.