Идрис Айитбаевдин жубайы: "Жолдошум айтышка чыкканда аябай тынчсызданчумун"

"Жолдошум айтышка чыкканда аябай тынчсызданчумун" дейт Идрис Айитбаевдин жубайы Гүлбара Раимбердиева.

Идрис Айитбаев жубайы Гүлбара Раимбердиева менен биздин "Өмүрлөшүм" рубрикабызда конок болуп, кызыктуу маек куруп беришти.

"Алгач мектепте окуучуларына ырдап берип жүрдү. Анан улуу кызыбыз төрөлгөндө өзү мектептин сахнасында туруп, төгүп ырдап сүрөттөрү менен видео жасаптыр. Үйдө мен эмне жумуш кылып жатсам дагы аркамдан комузун чертип ырдап жүрө берчү. Анда оюма келчү эмес. Кийин чоң сахнага аттанып баштаганда аябай уялдым. Себеби ката айтып алсачы, элдин алдында уят болуп калсачы деп тынчсызданчумун. Негизи айтыштарга чогуу барып, түз эфирден көрүп отурам. Бул толкунданабы, билбейм, мен аябай толкунданчумун. Азыр эми көнүп калдым", - дейт Раимбердиева.