Кыргызстандын жана Моңголиянын өкмөт башчылары тоо-кен тармагына инвестиция салуу тууралуу пикир алмашышты

Бүгүн Жантөрө Сатыбалдиев ШКУнун өкмөт башчыларынын кеңешинин кезектеги жыйынынын алкагында Моңголиянын премьер-министри Норовын Алтынхуяг менен жолугушту. Жолугушууда эки тарап соода-экономика, гуманитардык-маданият жаатында кызматташуу тууралуу сүйлөшүштү. Өкмөт башчылар тоо-кен тармагына инвестиция салуу тууралуу пикир алмашышып, айыл чарба, мал чарбачылык жаатында кызматташууну талкуулашты. Ошондой эле 2013-жылдан баштап кыргыз-моңгол кызматташуусун чыңдоо тууралуу макулдашышты.