Нуржигит Кадырбековдун "Кыздар, балдар менен сүйлөшпөгүлө" деп айтып, талкууга алынган видеосу боюнча айтты

SUPER.KG порталынын #ГалстукТар долбоорунун кезектеги коногу экс-министр Нуржигит Кадырбеков болду.

Анда ага "Жакында эле "кыздар, балдар менен сүйлөшпөгүлө" деп айтканыңызды кесип алып, ал катуу талкууга алынды. Негизи эле коомчулукка бул нерсе болбойт, бул болот деп айткандын канчалык жоопкерчилиги бар?" деген суроо берилди.

"Жоопкерчилиги абдан чоң. Сөзгө жооп бериш абдан маанилүү. Мен деле айтып жатканда абдан ойлоном жана эч нерсени таңуулабайм. Болгону кыздардын көз жаштары агып жатпайбы. Мен барган жерлерде көп кыздар алданып калгам деген сырларын айтышат. "Сүйөм деди эле, гүл берсе ишенип алыптырмын. Анан минтип кетти, тигинтип кетти" дегендер көп.

Бул видео студенттер менен жолугушуудан алынган экен. Мен дагы деле ал оюмдан кайтпайм. Бирөөнүн кызына кыянат кылбагыла деген эле ой айтылган", - деди Кадырбеков.