Алтынбек Сулайманов: "Добуштарды 10 миң сомго сатуу керек дегенди талапкерлер банкрот болсун деген ойдо айткам"

SUPER.KG порталынын #ГалстукТар долбоорунун кезектеги коногу депутат Алтынбек Сулайманов болду.

Анда ага "Былтыр шайлоо алдында "Добуштарды миң сомго эмес, 10-20 миң сомго сатыш керек" деп айткансыз. Бул сөздү кандай максатта айттыңыз эле?" деген суроо берилди.

"Бул сөз какшык менен айтылган. Акчалууларды банкрот кылалы деген ойдо айткам. Акча алсаңар дагы көбүрөөк акча алгыла, аларды банкрот кылып, экинчи шайлоого катыша албай турган абалга алып келиш керек. Бул айласыздан айтылган сөз. Быйыл добуш сатып алам дегендерге көп акча керек болот. Кыргыз өлкөсүнүн баарын сатып ала албайт. Быйыл жарнама кылууга гана акча иштетилет. Түз барып акча берген учурлар азаят", - дейт ал.