Лимонтинин өлүмү: Митингге чыккандар бир нече талаптарды айтышты

Бишкек шаарынын Биринчи Май райондук сотунда Лимонти каймана аты менен белгилүү болгон кримтөбөл Алмазбек Сулаймановдун өлүмү боюнча соттук отурум өтүүдө.

Сотту жабык өткөрүү боюнча чечим кабыл алынгандан кийин шектүүнүн тарапташтары өкмөт үйүнүн алдына келишти. Митингге чыккандар төмөнкү талаптарды коюшту.

1. Соттук отурум кылмыш орун алган Нарын шаарында өтсүн;

2. Соттук отурумду карап жаткан Биринчи Май райондук сотунун судьясы Мирлан Термечиков алмашсын;

3. Соттор акыйкат чечимди эртерээк кабыл алышсын.

Эске салсак, 2020-жылдын 28-март күнү Нарында кримтөбөл Алмаз Сулаймановду өлтүрүп кетишкен. Анын өлүмүнө шектүү катары 25 жаштагы Талгат Шамиев аттуу жаран кармалган. Ал Нарын ОИИБинин имаратына киши өлтүрүп алдым деп өзү келген.

SUPER.KG порталына өздүк булактар айыпталуучу атасынын өчүн алганын билдиришкен. Талгат Шамиевдин атасы Имаш Шамиев 1997-жылы Алмаз Сулайманов тарабынан өлтүрүлгөнү маалымдалган.