ЖККУ Пашиняндын билдирүүсүнөн кийин жооп берди

Жамааттык коопсуздук келишим уюму (ЖККУ) Армениянын премьер-министри Никол Пашиняндын мүчөлүктөн чыгуу тууралуу билдирүүсүнө комментарий берди. Уюмдун катчысы Армения ЖККУнун толук кандуу мүчөсү экендигин билдиргенин чет элдик басылмалар жазып чыгышты.

«Уюмдун жыйындарына Армениянын катышуусу азайганына карабастан, мамлекет анын толук кандуу мүчөсү”, - деп билдирген.

Ал эми Армениянын тышкы иштер министри Арарат Мирзояндын премьер-министрдин 12-июнда парламентте оппозициялык депутат Тадевос Аветисяндын суроосуна жооп берип жаткан билдирүүсү туура эмес чечмеленип калгандыгын билдирген.

«Премьер-министр уюмдан качан кетүүнү өзүбүз чечебиз деп билдирип, чыксак кайра мүчөлүккө кайтпайбыз деп айткан. Эгерде кимдир-бирөө Армениянын премьер-министри өлкө ЖККУдан чыгып жатканын ырастаса, анда ал жаңылып жатат жана муну далилдөө абдан оңой», - деди Мирзоян.

Белгилей кетсек, кечээ, 12-июнда чет элдик басылмалар Армениянын премьер-министрине көрсөтмө берүү менен өлкө ЖККУнун мүчөлүгүнөн чыгат деп билдирүү тараткан.