АКШ Иран тууралуу маалымат бергендер үчүн чоң сыйлык убадалады

АКШнын Мамлекеттик департаменти Ирандын өзөктүк программасынын абалы тууралуу маалымат үчүн 20 миллион долларга чейин сыйлык жарыялаганын чет өлкөлүк басылмалар жазышууда.

Маалыматтарга караганда, АКШга каршы операциялар тууралуу маалымат чогултуу программасынын алкагында АКШнын Мамлекеттик департаменти маалымат берүүчүлөргө толук купуялуулукту убада кылат жана Ирандын өзөктүк долбоору тууралуу маалымат үчүн, атап айтканда, объектилер, жабдуулар жана персонал жөнүндө, ошондой эле көчүрүүгө жардам берүү үчүн 20 миллион долларга чейин сунуштоого даяр.

Бул программа 1984-жылы башталган жана ошондон бери 125тен ашык адам "АКШнын улуттук коопсуздугун коргоого жардам берген пайдалуу маалымат үчүн" 125 миллион доллардан ашык сыйлык алышкан.