Иран ок атышууну токтотуу шарттарын атады

Ирандын айланасындагы жаңжалды токтотуу мүмкүн, бирок Тегеранга каршы агрессия кайталанбашы үчүн кам көрүү зарыл. Бул тууралуу Ирандын тышкы иштер министринин орун басары Казем Гариб-Абади билдирди.

Анын айтымында, Иран ок атышууну токтотууга кызыкдар, бирок согуш алты айдан кийин кайра башталса, анда ок атышуунун токтотуунун мааниси жок болуп калат. Гариб-Абади андыктан Тегеранга каршы агрессия кайталанбашы керектигин баса белгилеген.

"БУУнун уставы өзүн-өзү коргоону токтотуунун шарттарын аныктайт. Алардын бири - мындай аракеттердин кайталанбашы. Өзүн коргогон өлкө катары бул агрессиянын кайталанбашын камсыз кылышыбыз керек",- деген ал Иран телеканалында ок атышууну токтотуу мүмкүнчүлүгүнө комментарий берип жатып.