Манас жана Таласта "Акылман" президенттик лицейинин филиалдары ачылат

Манас жана Талас шаарларында "Акылман" президенттик лицейи ачылат. Бул тууралуу "Акылман" президенттик лицейинин директору Эмил Рыскулов "Биринчи радиого" билдирди.

Ал лицейге окуучуларды кабыл алуу боюнча 15-марттан 15-апрелге чейин онлайн каттоо жүргүзүлөрүн айтты.

"Быйыл биз жаңы ачылып жаткан филиалдарыбызга кабыл алуу үчүн 6-7-класстардын окуучуларынын арасында сынак жүргүзөбүз. 15-апрелден баштап майдын аягына чейин 6-класстын окуучуларынан сынак алынса, 7-класстын окуучуларынан сынак алуу июнь айынан башталат. Сынак 3 тур менен өтөт. 1-2-тур онлайн, 3-тур офлайн болот",- деди Рыскулов.